إرث — قالب بيانات محصولك

بيانات محصولك، بطابع إرث.

ألوان كريمية، مساحة داكنة وختم شمعي؛ تفاصيل تعطي «إرث» طابعه الكلاسيكي، وتترك لبيانات قهوتك مساحتها.

صمّمته لبراندات القهوة الصغيرة اللي تبي تعرض محصولها بشكل مرتب وتقدر تحدّث بياناته بنفسها. تفتح نسختك في Canva، تغيّر النصوص والألوان والخطوط، وتضبطها بطابع براندك. ومع محصولك القادم، ترجع لنفس القالب وتحدّث البيانات.

وش يوصلك؟

• رابط قالب Canva تحفظ منه نسختك وتعدّلها.

• نفس التصميم بمقاسين: ٤ × ٥ إنش و٨ × ٥ سم.

• تعليمات الاستخدام والتعديل والتجهيز للطباعة داخل الرابط.

وش تقدر تعدّل؟

النصوص والخطوط والألوان، بما فيها اسم المحصول ومصدره ومعالجته وإيحاءاته. بيانات القهوة الموجودة في العرض مثال؛ استبدلها ببيانات محصولك قبل الطباعة.

كيف تستلمه؟

بعد إتمام الدفع، يظهر لك رابط القالب مباشرة، وتوصلك نسخة من الرابط على الإيميل المسجّل في الطلب.

تبي أعدّل البيانات عنك؟

أقدّم خدمة تعديل بيانات القالب مقابل مبلغ إضافي. كلّمني على واتساب وأوضح لك السعر والتفاصيل قبل التنفيذ.

وإذا تحتاج مقاسًا مختلفًا، تواصل معي بالمقاس المطلوب عشان أتأكد من إمكانية تجهيزه وأوضح لك التفاصيل.

قبل تطلب

هذا قالب تصميم رقمي. صور العبوات توضح شكل الاستخدام، والطلب لا يشمل كيس قهوة أو منتجًا مطبوعًا أو خدمة طباعة.

قِس مساحة الملصق على عبوتك، واختر المقاس المناسب، واطبع عينة بالحجم الفعلي قبل تنفيذ الكمية.

الاستخدام

تقدر تستخدم القالب تجاريًا لبراندك ومحاصيلك. إعادة بيع القالب أو توزيع نسخه أو مشاركة رابط الوصول غير مسموحة.